زاخاوی مێشک

له ماڵپه‌‌ڕی بیره‌وه‌ری دا هاتووه:

شه‌وێکی به‌هار له چۆمی به‌ینی 'قه‌ره‌‌گوێز' و 'گه‌ردیگلان' ده‌په‌رینه‌وه. ئاو یه‌کجار زۆر بو و تراکرۆرمان پێویست بو. ئه‌سپێکیشمان هه‌بوو که به کاک 'ع' وه بوو. کاک 'ع'  هه‌ر جاره پێشمه‌رگه‌یه‌کی له دوای خۆی سوار ده‌کرد و ده‌یپه‌رانده‌وه.
نۆبه‌ی یه‌کێک له کچه‌کان هات. هه‌ر که چوونه نێو ئاوه‌که، کچه‌که هه‌ستی کرد خه‌ریکه ده‌که‌وێته نێو ئاوه‌وه. هه‌رای له کاک 'ع' کرد:
- "خه‌ریکه ته‌عادولی خۆم له ده‌ست ده‌ده‌م". کاک 'ع' که نه‌یده‌زانی ته‌عادول چی‌یه و به ساک یان که‌ل و په‌ل تێگه‌یی بو، وه‌ڵامی دایه‌وه:
- "ته‌عادول لێیگه‌رێ ئاو بیبات، خۆت نه‌که‌ویته نێو ئاوه‌که"!