|
ئه‌وه‌ش
بابه‌تانه‌ش له ماڵپه‌ڕی
بیره‌وه‌رییه:
(ئیزنی بڵاو کردنه‌وه‌ی بابه‌ته‌کانی ماڵپه‌ڕی بیره‌وه‌ری، له
به‌ڕێوه‌به‌ری سایته‌که وه‌رگیراوه)
فه‌قێ مه‌حموو پێشـمه‌رگه‌یه‌کی ناوچه‌ی سه‌قز بوو. هاوینی
1361
له تورجان، فه‌قێ مه‌حموو به‌رێوه‌به‌ری
"تدارکات"
بوو. تازه‌ش فێری خوێندن و نووسینی فارسی ببو. نامه‌یه‌کی بۆ
به‌رێوه‌به‌ری
"تدارکات"
له دێی بۆبۆکتان نارد و چه‌ند فرمانێکی تێدا بوو بۆ کرینی چه‌ند
پێداویستیه‌ک. لیسته‌که‌ی ئاوا بوو:
"
یه‌ک ره‌حه‌تی دووڵاق و یه‌ک دانه ره‌حه‌تی یه‌ک‌ڵاق!"
له ره‌حه‌تی دووڵاق مه‌به‌ستی ژێرشه‌ڵواری بوو و له ره‌حه‌تی
یه‌ك‌ڵاقیش مه‌به‌ستی قیف بوو!
----
(قسه‌ی کوردی به فارسی کردن، نه‌قڵی سه‌یری خوڵقاندووه. له
بابه‌ته‌کانی 19 و 242ش چه‌ند شتێکم باس کردووه. چه‌ند ساڵ
له‌مه‌وبه‌ر بو کتێبی "برایم زه‌بوک"ی فارسیم ده‌خوێنده‌وه. کتێبه‌که
له ئه‌سڵدا تورکیه و بۆته کوردی و وه‌رگێڕێکی کوردیش، کردبویه فارسی.
له به‌شێک دا هاتبو :"وقت شکار گهش می‌گیرد"، بێ شک خوێنه‌ری فارس
له‌وه تێ‌نه‌ده‌گه‌ییشت که ڕێک مه‌سه‌لی "وه‌قتی ڕاوێ گوی دێ"
کراوه‌ته فارسی، وه‌رگێڕ خۆ ی ماندو نه‌کردبو تاکو هاومانای ئه‌وه له
فارسی دا بدۆزێته‌وه. ئه‌وانه‌م بۆیه نوسی تاکو بگه‌ینه پاشماوه‌ی
نه‌قڵی فه‌قێ مه‌حموو له ماڵپه‌ڕی بیره‌وه‌ری: )
دیوێک له دیوه‌کانی مه‌قه‌ڕی تورجان چکۆڵه بوو. کاک فه‌قێ مه‌حموو
رووی کرده هاورێ شههڵا که فارس زمان بوو و ده‌یه‌ویست به شههڵا
بڵێت که '' بریا ئه‌و دیوه میترێکی دیکه‌ی به‌ده‌مه‌وه بوایه'' ،
وتی:
''کاشکی این اطاق یک متر دیگر به دهنش بود!''
----
هاورێ شههڵا لێوانێک
ئاوی به ده‌مه‌وه بوو و ئاوی ده‌خوارده‌وه. فه‌قێ مه‌حموودیش که توونی
بوو ده‌یه‌ویست بڵێت ''دوای خۆت لێوانێکیش بده به من''، ئاوای کرده
فارسی:
'' عقب خودت هم یکی بده به من!''
|