|
دۆستێک ئه‌یگێڕاوه:
هاورێیه‌کی ئه‌رمه‌نیم هه‌بو. ئه‌رمه‌نیه‌کان و به گشتی مه‌سیحیه‌کان
له ساڵدا چه‌ند ڕۆژێک گۆشت ناخۆن و پارێزیان هه‌یه. له ماوه‌‌ی
پارێزه‌که‌دا، سه‌ردانی هاوڕێکه‌م کرد. دیتم له سه‌ر سفره دانیشتووه و
گۆشتی برژاو و شه‌ڕابی داناوه و ده‌خوات و ده‌خواته‌وه. منیش چومه
سه‌ر سفره و ده‌ستم بۆ گۆشته‌که برد، له‌نه‌کاو هاوڕێکه‌م وتی
:"ده‌زانی ئه‌و گۆشته زیبحی ئیسلامی نه‌کراوه و له لای ئێوه حه‌رامه!"
منیش گۆشتم له‌سه‌ر ده‌وری خۆم دانا و وتم:" قه‌یدێ ناکا، من له ناو
موسوڵمانان وه‌ک تۆم له ناو مه‌سیحیان! " بێ وه ناخۆش، تا
دره‌نگایه‌ک به گۆشتی برژاو و شه‌ڕاب ڕامانبوارد!!
|