|
مامۆستا هه‌ژار نوسیویه:
ده‌بێ ئه‌وه بزانین که بارزانی لایان وایه کوشتنی سه‌رمازه‌ڵه خێرێکی گه‌وره‌یه
و کێ ده سه‌رمازه‌ڵه بکوژێ، وه‌ک کافرێکی کوشتبێ وایه. ئه‌مه‌ش ده‌گه‌ڕێته‌وه
بۆ سه‌ر چیرۆکێک که له هێندێک کتێبی قه‌دیم دایه: ئه‌گه‌ر برایم پێغه‌مبه‌ریان
خستۆته ناو ئاگر، سه‌رمازه‌ڵه‌ی فاسق فوی لێ کردوه تا ئاگر خۆشتر کا. ته‌نانه‌ت
شێخ مارفی نۆدێ‌یی کردویه به شێعریش، ده‌ڵێ:
فاسقی خه‌مسه دیاره:
دوپشک و مشک و ماره
سه‌رمازه‌ڵه و کۆللاره( به ریوایه‌تێکیش : قه‌ڵه‌بازه‌ڵه و کۆللاره)
که قه‌ڵه‌بازه قشقه‌ڵه‌یه و بۆ خۆشم که فه‌قێ یه‌کی منداڵ بوم، قشقه‌ڵه کوشتنم
به خێر ده‌زانی.
رۆژێک به بارزانیم گوت: ئه‌گه‌ر شۆڕش خه‌لاس بێ، که‌رێک و دو سه‌به‌ته ده‌بمه
لای کۆیه. هه‌ر سه‌رمازه‌ڵه ده‌گرم و دێنم له بارزان ده‌یفرۆشمه‌وه، دانه‌ی به
نیو دینار!
کوڕێکی مه‌لا مسته‌فام دی ڕاوی سه‌رمازه‌ڵه‌ی ده‌کرد، گوتی:"هه‌ر ته‌نیا
یه‌کێکم کوشت"، گوتم :"هه‌ر باشه که‌پۆی کافرێکت ده خوێن هێناوه!"
|