|
مامۆستا هه‌ژار نوسیویه:
"سه‌رده‌می عه‌بدولکه‌ریم قاسم، رادیۆ خه‌به‌ری دا بارزانی و هه‌واڵانی (له
سۆڤیه‌ته‌وه) دێنه‌وه عێراق....لام وایه بیست هه‌زار که‌س پتر له فڕگه‌ی به‌غدا
هاتبونه پێشوازی. عه‌ره‌ب و کورد تێکه‌ڵاو، شیعار گوێی عاسمانی که‌ڕ ده‌کرد.
هه‌ر کوردێکی به جلی کوردیه‌وه بوایه، له سه‌ر شانان داده‌نرا و شیعاری
برایه‌تی کورد و عه‌ره‌ب ده‌درا. گوتیان کوردێک که له‌سه‌ر شانان داندراوه،
دزێک کڵاشه‌کانی دزیوه. کورده هاواری کردوه :"کڵاشه‌که‌م!"، حه‌شامه‌ت لێکرا
گوتویانه "کڵاشه‌که‌م! کڵاشه‌که‌م!"، لایان وابوه ئه‌مه‌ش شیعارێکه به زمانی
کوردی!"
لێره‌دا ئاماژه به‌وه‌ش بکه‌م هێندێک لایه‌ن شوعار ده‌ده‌ن و خه‌ڵکیش بێ
لێکدانه‌وه ده‌یڵێنه‌وه. ئێستاکه زۆرتر له بیست و هه‌وت ساڵ له شۆڕشی گه‌لانی
ئێران تێپه‌ڕ بووه، یه‌کێ له دروشمه‌کان ئه‌و سه‌رده‌م ئه‌وه بو:"داس و
چه‌کوش سه‌رنێزه مه‌حکوم ده‌کا". له‌م ماوه‌یه دا که زانستی سیاسی و ئاگاداری
خه‌ڵک زۆر زۆرتر بووه، له یه‌کێکم پرسی:" ئه‌رێ برا ئه‌و دروشمه‌ت زۆر ده‌گوت،
ئێستا ده‌زانی مانای چی‌یه؟" هێندێک تێ فکری و وتی:"ناوه‌الله، قه‌ت بۆم
نه‌بۆته پرسیار تاکو ماناکه‌ی بزانم."
|