|
مامۆستا هه‌ژار به ناوی عه‌زیز، له به‌غدا له لای کابرایه‌کی مه‌سیحی کاری
ده‌کرد. ده‌گێڕێته‌وه:
ده‌گه‌ڵ وه‌ستاکه‌م پۆرتۆیان، جار جار باسم له هێندێک خرافاتی مه‌زهه‌بی
ده‌کرد. که‌شه‌ی هه‌رمه‌نی که پیاوێکی سی ساڵه‌ی ڕیش دوفلیقانه بو، هه‌ر گا
ده‌هات ده‌یدواندم. پۆرتۆیان ڕۆژێ گوتی : ئه‌بونا(باوکمان)! ده‌گه‌ڵ عه‌زیز
مه‌دوێ با کافرت نه‌کا!
-
شتی وا بۆ ده‌ڵێی؟ زۆر کوڕێکی باشه. ئه‌وه بۆ وات پێ ده‌ڵێ؟
-
ئه‌بونا تۆ شوکور جوان و به هێز و توانی، ئه‌گه‌ر چل مریشکت له‌و ده‌شته بۆ
به‌رهه‌ڵدا که‌م و بڵێم بیان گره بۆ خۆت، چه‌ندت بۆ ده‌گیرێن؟
-
خۆم بپسێنم ده‌م بۆ ناگیرێ.
-
ئه‌دی ئه‌گه‌ر بڵێن پیاوێک به ته‌نیا سێ‌سه‌د ڕێوی له ده‌شت گرت، کلکی هه‌ر
دوانی پێکه‌وه گرێ‌دا، شاپڵیته‌ی لێ قایم کردن و گه‌نمی دوژمنانی پێ سوتاندن،
ده‌فه‌رموی چی؟!
-
ده‌ڵێم ئه‌وه درۆیه‌کی ئاپریله.
-
ده‌سا ئه‌وه له کتێبی موقه‌دده‌س دا ده‌رباره‌ی سامسۆن نوسراوه!
-
زۆرم کیتابی موقه‌دده‌س خوێندۆته‌وه، به‌ڵام هه‌رگیز فکرم له‌و درۆ زله
نه‌کردۆته‌وه!
پۆرتۆیان گوتی: نه‌مگوت کافرت ده‌کا؟!
- پیا! ئه‌گه‌ر ئیمان باوه‌ڕ کردن به درۆی وا شاخدار بێ، با هه‌ر نه‌بێ!
|