زاخاوی مێشک

ده‌گێڕنه‌وه:
له کۆبونه‌وه‌ی ئازادی ڕێکخراوێک که ئێستا زۆر دژ به کورد هه‌ڵوێست ده‌گرێ، به‌رپرس وه‌سه‌ر تریبون ده‌که‌وێ و زۆر به شان و باڵی ڕێبه‌رایه‌تی دا هه‌ڵگوت : "هه‌ر ئه‌و بو ئێمه‌ی فێر کرد له منداڵ نه‌ده‌یین!! هه‌ر ئه‌و بو مافی ژنی فێری ئێمه کرد!! ، هه‌ر ئه‌و بو مامۆستای دژایه‌تی ده‌گه‌ڵ ناسیۆنالیسمی کورد و ...." هه‌ڵبه‌ت خۆشتان ده‌زانن ئه‌و باسانه هه‌موی به زمانی قورعان و پێغه‌مبه‌ره‌که‌یانه.(واته فارسین. سه‌یریش ئه‌وه‌یه هه‌موی به‌شداربووان و قسه‌که‌ره‌کان کوردن!!)
له‌و ڕێکخراوه‌ش ئه‌وه‌ی وه‌سه‌ر که‌وێ بۆ قسه‌کردن، عه‌یبه که‌متر له دو سێ ساعه‌ت بیڕێسێ. کاکی به‌رپرس زۆر به توندی و به قه‌ڵسی هات و هاواری ده‌کرد و زو زو چاویشی له ساعه‌ته‌که‌ی ده‌کرد.
یه‌کێ له به‌شدار بووان که به ناعیلاجی ده‌گه‌ڵ که‌سێک چوبو  و له قسه‌کان توڕه ببو و چاوه‌ڕێی کۆتایی کۆبونه‌وه بو، هه‌ستا و وتی :"ببوره ئه‌وه‌ی به ده‌ستته‌وه‌یه و چاوی لێ ده‌که‌ی، کات ژمێره‌ یان ڕۆژژمێر؟"
ئه‌مه بو به مایه‌ی پێکه‌نینی هێندێک و نێوچاوان گرژی تاقمێک و کۆبونه‌وه کۆتایی پێ هات.