زاخاوی مێشک

له ڕشته‌ی مرواریدا هاتووه:
پیاوێک هه‌بو له سنه حاجی ده‌روێشی ناو بو، زه‌مانه پشتی تێ هه‌ڵکرد و هه‌ژار که‌وت به‌ڵام چۆن هه‌ژارێک شێوی شه‌وی نه‌ما. کوڕێکی هه‌بو "ته‌قی" ناو بو، منداڵ بو. ڕۆژێک له سه‌ر کۆڵانێکا هه‌ردوکیان ڕاوه‌ستابون خه‌ڵک ته‌رمێکیان به‌وێدا تێ ده‌په‌ڕاند. ته‌قی وتی: بابه ئه‌مه چی‌یه؟ وتی : ڕۆڵه مردووه. وتی : بۆ کوێی ئه‌به‌ن؟ وتی: ڕۆڵه ئه‌یبه‌ن بۆ شوێنێک نه نانی لێیه نه ئاو، نه به‌رگی لێیه نه نوێن، نه داری لێیه نه ئاگر، نه به‌ڕه‌ی لێیه نه قاڵی، نه ته‌ڵای لێیه نه نوقره. وتی : که‌واته  نانه ئه‌مه بۆ ماڵی ئێمه‌ی ئه‌به‌ن!!!