KOORD
 

زاخاوی مێشک

 
 


 مامۆستا هه‌ژار ده‌گێڕێته‌وه: "شاعیری عه‌ڕه‌ب "عومه‌ر ئه‌بوڕیشه" نوسیویه:"دانشجو بوم. هه‌واڵان تاریفی شێعریان ده‌کردم. چاکترین شێعری خۆم بۆ باوکم خوێنده‌وه که "پێت چۆنه؟". لێی وه‌رگرتم، نایه باخه‌ڵی، جوابێکی نه‌دامه‌وه. گوتی:"عومه‌ر! وه‌ره بچین باقله‌ی کوڵاو بخۆیین". دوای باقله خواردن، باوکم به باقله فرۆشی گوت:"حیسابت چه‌نده؟". کابرا سوێندی خوارد که هیچی ناوێ و فه‌خر ده‌کا که پیاوێکی وا گه‌وره‌ی بۆته میوان. بابم شێعره‌کانی له باخه‌ڵ ده‌رێنا. گوتی: ده‌بێ هه‌ر بته‌وێ، ئه‌و شێعرانه بۆ تۆ! کابرا که دیتی بابم گاڵته‌ی پێ ده‌کا زۆر ناره‌حه‌ت بو. کاغه‌زی شێعره‌کانی فرێ دا:

-         
قوربان گاڵته‌م بۆ پێده‌که‌ی؟ ئه‌وانه‌م بۆ چی‌یه؟
بابم روی ده من کرد:

-         
کوڕم! چاکترین شێعرت چنگه باقله‌یه‌ک ناکا. تۆ به چیه‌وه خه‌ریکی؟!"

له‌و شاره‌ی لێی ده‌ژیم، خۆشه‌ویستێکی لێیه که خۆی به ده‌رسه‌وه خه‌ریک کردووه و له مێژه ژماره‌یه‌ک "ئیختراع" ی هه‌ن. جێژنیێکی گرتبو و براکه‌شی له وڵاتێکی تره‌وه هاتبو به‌شداری بکا. له کۆتایی جێژنه‌که‌دا، به‌رگه‌ی  سه‌بتی ئیختراعێکی پێشکه‌ش به براکه‌ی کرد. براکه‌شی زۆر قسه خۆش و شۆخی‌باز بو، هاته لام و وتی:" به جێی ئه‌و به‌رگه‌یه، بابۆڵه‌یه‌کی دابامایه باشتر بو!!"