|
کاک شه‌فیق شیخ‌محه‌ممه‌دی ده‌یگێڕاوه:
ئاغای ف ببو به مامۆستای دێی شه‌ختان. شه‌وانه‌ش ده‌بو چوبایه بۆ ماڵێ
مه‌مه‌ند ئاغای. ڕۆژانه ده‌رسی به منداڵان
ده‌گوت و شه‌وانه‌ش هه‌مو
کاری ماڵی ئاغایان به‌و مامۆستایه ده‌کرد. ئاخری ده‌نگی لێ بڵیند
ده‌بێ و له ئیداره‌ی "آموزش و پرورش" شکایه‌ت ده‌کا که مه‌مه‌ند ئاغا
له ماڵێی ڕاگرتوم و هه‌مو کاری ماڵێم پێ ده‌کا.
له ئیداره‌وه ده‌چنه لای مه‌مه‌ندئاغا. دوای باس و خواسی زۆر،
ده‌ڵین:" ئێمه له‌به‌ر ئه‌و مامۆستایه هاتویین. ئێمه ناردومانه‌ته ئه‌و
دێیه ده‌رس به منداڵان بڵێ، نه‌ماناردووه تاکو قاوه‌چیه‌تی پێ بکه‌ی
یان کاری ماڵێی پێ ڕاپه‌ڕێنی".
مه‌مه‌ندئاغا ده‌ڵێ:" بۆ نه‌تانداوه به‌و دێیه‌ی؟ ئاغای ئه‌و دێیه‌ش
ئه‌من نیم؟ موعه‌للیمی خۆم نی‌یه؟ پێم خۆشه ده....م . به ئه‌نگۆ
چی؟"
ناردراوان به مامۆستا ده‌ڵێن: ئه‌وه به ئێمه عیلاجی نایه و بۆخۆت
ده‌گه‌ڵی بسازێ.
|