|
یه‌کێ له نوسه‌رانی کورد، سی چل ساڵ له‌مه‌وبه‌ر،کتێبێکی له‌سه‌ر شاعیرانی کورد
به فارسی نوسیبو. ئاوا باسی پیره‌مێردی کرد بو:
"نامش حاجی تۆفیق است و لقبش پیره‌مێرد( نمی‌دانم چرا لقب پیره‌مێرد یعنی شوهر
پیر را برای خود انتخاب کرده است)" (واته: ناوی حاجی تۆفیق و نازناوی
پیره‌مێرده (نازانم بۆچ نازناوی پیره‌مێرد واته مێردی پیری بۆ خۆی
هه‌لبژاردووه) !!!
به پێی کاری لێکۆڵینه‌وه‌یه‌ک که به‌ده‌ستمه‌وه بو، ده‌گه‌ڵ زۆر له
هونه‌رمه‌ندان وت و وێژم ساز ده‌کرد. یه‌کیان سور بو له‌سه‌ر ئه‌وه‌ی که وشه‌ی
مه‌ڵبه‌ند به مانای ملوانکه‌یه!!! یه‌کی تر ئه‌یوت به‌رهه‌ڵبێنه یانی پێش خۆت
هه‌ڵێنه!!!! و زۆر شتی تر له‌و بابه‌ته سه‌یر و سه‌مه‌رانه.
یه‌کێ له کاربه‌ده‌ستانی باشوری کوردستان له سه‌ر کێشه‌ی کاره‌با ده‌دوا و
ئه‌یوت :" هێندێک ته‌گه‌ره‌ی هونه‌ریمان له سه‌ر رێیه!!!". به سه‌رسوڕمانه‌وه
دیتم وشه‌ی "فن"ی عه‌ڕه‌بی که "تێکنیک و هونه‌ر" ده‌گرێته‌وه، ڕاست به وشه‌ی
هونه‌ر، وه‌رگێردراوه!!!
|