|
وابزانم به‌یانی سێزده‌به‌ده‌ری سالی
1368ی
ئێران بو، ده‌گه‌ڵ چه‌ند بنه‌ماڵه چوبوینه ده‌رێ. مناڵێکی ڕوح سوکی
ژیکه‌ڵانه‌مان ده‌گه‌ڵ بو. ئه‌م مناڵه دو سێ ساڵانه، به قسه‌ی خۆش و گۆرانی
وزانینی چه‌ند وشه‌یه‌کی ئینگلیسی و حیساب و ... کۆڕه‌که‌ی ڕازاندبۆوه و ببوه
سه‌یر و سه‌مه‌ره‌ی ئه‌م ڕۆژه. وه‌ک باوه، لای ئێواره ئاگرێکمان کردبۆوه و
مناڵی تریش به‌رهه‌می ئیشکی داری "کاج" یان بۆ ناو ئاگره‌که ده‌هاویشت. ئه‌م
به‌رهه‌مه له ئاگر دا ده‌کرێته‌وه و پڕینچک ده‌هاوێ. یه‌کێ له‌م پڕینچکانه وه
ملی ئه‌م مناڵه که‌وت و ملی سوتاند. خزم و که‌س ده‌وریان گرتبو و منداڵ
ده‌گریا. یه‌کێ وتی : "به‌خوای له چاویان بردووه" منیش به منداڵه‌م وت :"خانمه
گوڵ! له چاویان بردی؟" ئه‌ویش به گریانه‌وه ئه‌وت :" نه له ملم! نه له ملم!".
|