زاخاوی مێشک

پیره‌ژنێک "گوڵاو" ناو ، کچێک به ناوی "ئامه" و کوڕیکی به ناوی "مامه‌ند" ده‌بێ ، بار ده‌که‌ن  و له موکریان ده‌گیرسێنه‌وه‌. دایکه کوڕه‌ی وه‌ره‌ز کردبو هێندی لێ بپرسێ چ باسه. رۆژێک کوڕ دێته‌وه و دایکی ده‌ست له هه‌ویر و "ئامه"ش له‌و لا دانیشتووه. دیسان ده‌پرسێ کوڕم چ باسه؟ کوڕه‌ش وتی : وه‌ڵا دایه ئیمڕۆ عه‌زیزخانی سه‌ردار فه‌رمانی ده‌رکردووه ژنی بێ مێرد نه‌مێنێ و هه‌مو مێرد بکه‌ن ئه‌ویش به‌و شێوه که ژنی پیر بدرێ به کوڕی گه‌نج و ژنی جوانیش بدرێ به پیاوی پیر!
که ئه‌مه‌ی گوت، "ئامه"ی خوشکی 'جرت'ێکی که‌ند و وتی چۆن وا ده‌بێ؟
دایه پیره به ده‌م هه‌ویر شێلانه‌وه وتی :

"جرت و مرتی پێ ناوێ          ئامه‌ی کچی گوڵاوێ
ئه‌تۆ ده‌که‌ی جرتانێ             ئه‌من ده‌که‌م گه‌مانێ !
تۆ چاتری ده‌زانی                 یا سه‌رداری بۆکانی؟
ئه‌و قسه‌یه‌ی ئه‌و کردی           ئه‌یگێڕێته‌وه مامه‌ندی
به ئایه‌ت و به قورعان           به چاوه‌که‌ی عه‌زیزخان
بڕیاری وی دراوه                   که‌س نایگێڕێته دواوه "!!!