زاخاوی مێشک

زۆربه‌ی ناوه‌کانی عه‌ڕه‌بی که به هۆی ئیسلامه‌وه پیرۆز بوون، به مانای جر و جانه‌وه‌ر و شتی سه‌یرن.
ئه‌مه‌ش روداوێک له سه‌ر ئه‌م بابه‌ته:
قانعی شاعیر وتی : ساڵێک له ناو جافانه بوم. وتیان مامۆسا وه‌عزمان بۆ بێژه. وتم برا به کوردی یا عه‌ڕه‌بی؟ وتیان برا وه کوردی ئێمه چوزانین عه‌ڕه‌بی. وتی منیش کتێبم نایه‌ به‌ر ده‌ستم، چاوم کز بو عه‌ینه‌که‌که‌م خسته به‌ر چاوم و گه‌روم پاک کرده‌وه‌و وتم :
" دێڵه‌ سه‌گی کوڕی باوکی کانیه‌که‌ی هه‌رات ئه‌فه‌رموێ" هه‌ر ئه‌مه‌م وت ، وتیان مامۆسا ئێژی چی؟ وتم برا وه‌عزتان بۆ ئێژم. وتیان کوچکت لێ نه‌وارێ که‌ی وه‌عز وائه‌بێ؟ وتم برا ئاخر ئێوه ئه‌ڵێن به کوردی، من له باتی ئه‌وه‌ که نوسراوه و ئه‌ڵێ معاویه‌ی ابنی ابی سفیان ئه‌ڵێ، من به کوردی پێم وتن. وتیان کوڕ‌ه کوچکت لێ نه‌وارێ خاس بێژه، ده بێژه. وتم :" ڕێوی کوڕی چوێله‌که ئه‌فه‌رموێ" هاتم ئه‌ویتر ته‌واو که‌م وتیان مردگت مرێ ئه‌وه ئێژی چی؟ وتم برا من سه‌رم سڕماوه به‌ده‌ست ئێوه‌وه، ئێوه ئه‌ڵێن به کوردی، له کتێبه‌که‌دا نوسراوه، ثعلب ابن عصفور من کردم به کوردی. وتیان " هه‌ڵسه هه‌ڵسه مه‌لا بڕۆ، گاڵت وه‌پێچه وه‌و شێخ که‌ریمه ئیتر پیا ناینی. وتی جوان و پوخت ده‌ریان کردم.